ЗЯНОН ПАЗЬНЯК: ПАСЬПЯХОВЫЯ ЛЮДЗІ

Палітыка прэзыдэнта Трампа (унутраная і зьнешняя, не зважаю тут на папулізм) мне крыху нагадвае месцамі дзеяньні прэзыдэнта Джона Фіцджэральда Кэнэдзі -- пазьбяганьне ваенных канфліктаў шляхам дыялогу, увага да пошлін, вяртаньне да даўняй нармальнасьці амэрыканскай сістэмнай дэмакратыі, але ўжо на рэспубліканскім узроўні. І што важна -- зьяўляюцца новыя актыўная асобы з сьвежымі думкамі і паводзінамі.

Даўно мы ня бачылі ў Белым Доме ЗША такіх пасьпяховых людзей. Напрыклад, прэс-сакратар прэзыдэнта выдатная спадарыня Karoline Leavitt -- гэта проста знаходка века (нічога падобнага раней не было). Ініцыятыва Ілона Маска на службе дэмакратычнай дзяржавы (і яго групы мільярдэраў (!) -- гэта тэрапія для Амэрыкі (хоць і часовая, жорсткая і ня звыклая). Агульны прынцып (мем) такі: дэмакратыя -- гэта не бюракратыя. Дарэчы, магчыма хто ня ведае, карыстаньне "Старлінк-ам" (400 мільёнаў даляраў у год) Ілон Маск асабіста ахвяраваў Украіне бясплатна.

Вецер ў ветразі. Зычым шчысьця Амэрыцы. Можа ўсё атрымаецца ў рашучых людзей, якія йдуць праз гадзючае поле. Але ў нас, беларусаў, сваё поле. І трэба нам будзе яго перайсьці.

Зянон Пазьняк,

2-ІV-2025

--------------------------------------------

ПОСТ СКРЫПТУМ. Новыя матар'ялы, апублікаваныя ў амэрыканскім друку ("Нью-Ёрк-Таймс"), аб кулісах вайны ва Украіне, сьведчаць аб разумнай і рацыянальнай пазыцыі Прэзыдэнта Трампа, аб яго абгрунтаванай ініцыятыве тэрміновага спыненьня ваенных дзеяньняў, аб яго рашучых ацэнках паводзінаў кіраўніцтва Украіны, Расеі, ролі Байдэна і інш. Бюракратычна-злачынны завал, што натварылі байданаўскія чыноўнікі на Украіне, прыходзіцца разграбаць Трампу. І ён робіць гэта. Прэзыдэнт Трамп добра інфармаваны. 14-га сакавіка ў артыкуле "БЕЛАРУСЬ ПЕРАДУСІМ" (перакладзены па-ангельску) я пісаў наступнае: "Усё, што робіць і што будзе рабіць прэзыдэнт Трамп, ідзе на карысьць Украіны і ўрэшце можа стаць яе паратункам. Нішто ня робіцца адразу, але па-парадку." І гэта праўда.

Вымушаны ўпершыню папярэдзіць усіх "вялікіх знаўцаў палітыкі", "настрадамусаў" і начытаных маладзёнаў у ФБ, што пры малейшай зьнявазе майго імя на глебе нянавісьці да Трампа, абгаджваньні маёй асобы і хамстве буду (ад чаго звычайна ўстрымліваўся) тут жа выдаляць такіх з рэестру сяброў.